22 Korrik 2017
 Facebook Twitter YouTube 
RAPORTO
Na kontaktoni në info@shkodrapress.com - E hene, 14 Prill 2014 16:36
Na shkruani për çdo shqetësim që doni të bëni publik në info@shkodrapress.com - E merkure, 10 Dhjetor 2014 22:36

Laçi thellon krizën e Vllaznisë duke e mposhtur në Pukë



Vllaznia rregjistron humbjen e pestë rradhazi në po kaq ndeshje të zhvilluara në sezonin e ri. Shkodranët janë mposhtur me rezultatin e ngushtë 0-1 nga ekipi i Laçit, në takimin e zhvilluar në Pukë në orën 13:00.

Ka qenë Xhejms, i cili ka shënuar në fundin e pjesës së parë, duke i dhënë fitoren ekipit kurbinas.

Loja ka nisur më mirë për laçjanët që kanë rrezikuar që në fillim me Veliaj. Pikërisht ky lojtar kroson nga e djathta drejt zonës dhe Mitraj godet me kokë duke shënuar, por ka pozicion jashtë loje. 

Kundërpërgjigjet Bardulla në minutën e 7-të, por pret portjeri Vujadinoviç.

Është përsëri Xhejms, i cili rrezikon porten shkodrane në minutën e 25-të, por topi devijohet nga portjeri Dragojeviç.

Në minutën e 32-të, Lushtaku jep një pasim për Martinez, por bllokon në momentin e fundit mbrojtësi shkodran Gocaj duke e larguar topin. 

Kur pjesa e parë po i drejtohej fundit, në minutën e 43-të, Xhejms do të gjente golin duke shënuar me kokë pas një krosimi nga e djathta.

Pjesa e dytë nis më mirë për Vllazninë që është më kërkuese ndaj golit.

Por, në minutën e 52-të, Xhejms niset me shpejtësi drejt zonës, pason te Nimani i cili i vetëm përballë portjerit bën më të vështirën duke e gjuajtur topin mbi shtyllën horizontale.

Në minutën e 65-të,  Kalaja shërben për Lushtakun në krahun e djathtë i cili nuk pason për shokët, por tenton goditjen drejt portës. Janë mbrojtësit e Laçit që bllokojnë gjuatjen e mesfushorit kosovar.

Në minutat e mbetura, Vllaznia përpiqet të gjejë golin e barazimit, por Laçi mbrohet mjaft mirë. Nuk ka më ndonjë rast të rrezikshëm dhe takimi mbyllet me fitoren e Laçit. 

Me këtë humbje, shkodranët ndodhen në fund të tabelës me 0 pikë dhe javën e ardhshme luajnë ndaj Kukësit.


DENIS BAJRAKTARI
Shkodra Press

Lexuar 1574 here

Te pergjithshme

Qejt e rrugave

Qejt e rrugave

Rozafa Shpuza / Ata sfidojnë indiferentë zhumhurin qytetas e nuk bahen merak se kanë bjerrë amanetin...

Dritëhije

Dritëhije

Zija Vukaj/  Aty në pedonalen e qytetit tim, ku përqafohen dashuritë e feve të mëdha abrahamike,...

Njeriu që thotë “JO”

Njeriu që thotë “JO”

Nga Javier Cerkas Mena  Përgatiti Zija Vukaj   E dimë ç’është intelektuali: bëhet fjalë për një person që,...

SONDAZH

Ku do i bëni pushimet e verës?

Brenda Shqipërisë - 39.1%
Nuk do bëj pushime - 37.9%
Jashtë Shqipërisë - 23%

Votat totale: 87
The voting for this poll has ended on: 20 Aug 2015 - 16:03

VIDEO PROMO

VIDEO PROMO